Nahuman na ang budget hearing sang probinsya kag sa regular nga session sini sa Martes, gina paabot ang approval sang 2022 budget.
Suno kay Vice Governor Jeffrey Ferrer on time ang pagtalakay sa budget kag mas temprano ini karon nga nahuman kun ipaanggid sa nagligad nga tuig. 5.7 billion pesos ang proposed 2022 budget sang probinsya.
Isa man sa ginapasiguro nila suno sa Bise Gobernador amo nga plastado ang tanan para sa Covid-19 response sang probinsya.
Ang saka sa budget sang probinsya ang tuga sang saka man sa national tax allotment ukon sadto anay Internal Revenue Allotment, dala sang Mandanas Ruling nga ang epekto amo ang pag saka sa share sang local government sa national taxes.