Temporary nga nag untat operate kag ginsirad-an ang Bacolod Casino Filipino sa dalan Lacson sang may 79 ka mga empleyado ang nagpositibo sa Covid-19 humalin bulan sang Mayo.
Ginkumpirmar sang tagdumalahan sang Casino nga nag gwa ang resulta makaligad nga ila gintest ang 360 ka mga organic kag non-organic employees.
Gindisfect kag gin sanitize ang pasilidad sang Casino.
Indi lang sa Casino naga katabo sang latnanay sang balatian. Magluwas sa work place madamo man sang kaso sang latnanay sang Covid-19 sa sulod mismo sang mga panimalay.
Gani tungod sang nagasaka nga kaso sang Covid-19 sa Bacolod ginsiling ni Bacolod Emergency Operations Center executive director Em Ang, nga sa Hunyo 16 posible ipatuman ang mas hugot nga pagsulundan sang siudad kontra Covid-19 sa idalom sang Modified Enhanced Community Quarantine.
Suno kay Ang ini ang iga deliberate sang Inter Agency Task Force para maligwat ang quarantine status sang siudad nga subong yara sa idalom sang Modified General Community Quarantine ukon MGCQ
Kun basehan ang record sang EOC wala naga naganubo sa isa ka gatus ang panibag o nga covid 19 cases sa Bacolod humalin sang nagliligad nga semana.
Gani magluwas man sa Estrikto nga pagpatuman sang minimum health protocol nagapadayon man ang covid 19 vaccination para sa mga A1 tubtob A3 category,nalakip diri medical frontliners, senior citizen kag may co-morbidities.
Ginligwat man sang local government unit ang mga pagsulundan angut sa hospital-supervised home quarantine kun diin ang mga pasyente nga may mild symptoms,vulberable kag may co-morbidity ang sarang makapaidalom sa HSHQ depende man kun makapasar ang iya gina istaran sa home care checklist.