Ang ini nga insidente sa viral nga video ang katapusan na lang sang bilog nga natabo nga pagtiro ni PMsgt Valentine Ceredenia sang Victorias PNP sa kay Hernani Pimental sa Barangay 13 sa Victorias City sang kahapon.
Antes ini natabo suno kay Cerdenia malawig na ang iya nga pag negosyar sa kay Hernani nga ihatag sa iya ang binangon kag magkalma. May nagtawag sa iya nga naga pangayo sang tabang para mapa kalma si Hernani.
Sang hana siya lab-on ni Hernani napilitan siya magpalukpok sang pusil.
Pero wala sa gihapon nag untat suno sa iya si hernani sa iya una nga pagtiro. Nagtindog ini kag naghana nga lab-on siya liwat. Kag sa dalayon niya nga pag isul natumba siya. Nag jam pa ang iya nga pusil.
Antes sang sini nga insidente suno sa misis ni Hernani nga si Angelica, naga lain na ang pamatyag sang iya mister humalin sang Lunes kay may natabo nga shooting incident sa ila nga lugar sa gawahon. Suno sa iya, may nervous breakdown ang iya nga mister.
Nakibot na lang siya sang kahapon sang hinali na lang nga gina gulgulan na ni Hernani ang iya nga liog kag nagwa sa ila nga balay.
Istorya niya wala niya na makita ang iban nga natabo kay nalipungan siya. ang nahibaluan niya na lang, gintiro na sang pulis ang iya nga bana.
Suno sa hepe sang Victorias PNP nga si Lt. Col. Eduardo Corpuz, gin disarmahan na ang pulis kag restricted anay sa ila nga head quarters para indi niya ma implwensyahan ang imbestigasyon.
Nag sugilanon na sila kaina sang misis ni Hernani kag naka pautwas ini sang kalain sang bu-ot sa iya. Pero iya man ini napaathagan sang side sang iya nga pulis. Ang misis ni Hernani nagsiling nga wala na siya sang plano nga kasuhan ang pulis. Ang pulis nga naka tiro naga pangayo sang pasaylo sa pamilya
Pero usisaon sa gihapon sang Internal Affairs Service sang PNP ang natabo.