Site icon Digicast Negros

All Events Expo ginbuksan sa mall sa pagbangon sang events industry

YouTube player

Sang nagpeak ang pandemic, nawad an sang trabaho ang kadam an nga mga photo and videographers, mga wedding planners kag organizers.

Madamo man sa mga kaupdanan sa events industry sang mag asawa nga Philip kag Janet Loyola ang nagsira epekto man sang hugot nga Covid-19 restrictions.

Bisan mabudlay ginpadayon nila ang negosyo agud mabuligan ang ila empleyado.

Tubtob nga amat amat sila nga nakabangon sa halit sang pandemic.

Isa sila karon sa mga nakigbahin sa ginlunsar nga All Events Expo 2022 sang katapo sang Negros Event and Wedding Planners Association ukon NEWPA.

Sa Robinsons Place Bacolod makita ang mga thematic booths sang NEWPA members.

Sa expo nag-upod man ang designers, florists kag mga audio and visuals artist para ipakita ang ila ma offer nga packages para sa mga kliyente ilabi na para sa mga nagaplano magpakasal.

Ginalauman sang pamunuan sang newpa nga paagi sa collaboration mabuligan nila ang pila pa ka mga start-up business agud mapalambo pa ang events industry sa probinsya.

Exit mobile version
Skip to toolbar