Alliance of Hog Raisers Association ukon AHRANO ang naga ayo sang minimum nga P160 tubtob P170 nga presyo sa kada kilo sang baligyaanay para sa live weight sang baboy.
Suno kay Ric Lauron ang presidente sang AHRANO, sila ang naga propose sang pag patuman sang amo nga presyo sa probinsya nga ila gin paagi sa talatapan sang Office of the Provincial Veterinarian.
Dala sang epekto sang African Swine Fever nag panaog ang presyohanay karon. P110 to P120 ang kilo sang live weight subong. May mga lugar suno kay Lauron nga yara sa P125 tubtob P130 ang live weight. Paathag ni Lauron, pierde na ang mangunguma sa amo nga presyohanay. Break-even ukon patas lang kun ang baligyaanay yara sa P140 to P150 nga kilo sang live weight.
Samtang, P260 to P270 per kilo ang proposed minimum retail price sang baboy kag P200 kada kilo nga minimum price para sa carcass.
Ginsiling ni Governor Eugenio Lacson nga ila gina tun-an ang pag patuman sang minimum price sa presyohanay sang baboy sa live weight, carcass kag retail. Suno kay Lauron pabor sila sa amo nga lihok.
Ang siudad sang Talisay sini lamang nag pa gwa sang EO nga naga regulate sang presyo sang kada kilo sang baboy nga gina baligya sa Talisay City nga nagasakop sang live weight nga yara sa P170, Carcass P240 kag sa merkado P270 nga minimum price.
“Maka ginansya kita siguro kun mag P160 na kag amo na ang gina ayo naton sa probinsya kag sa mga LGUs subong nga kun mabuligan nila regulate ang price sang aton nga live weight kag carcass sa market. Siling namon tani mas kusog-kusog kun may ara executive order ang province para ang aton iban nga LGU pwede na lang gid sila mag collaborate rather than mahimo man sila executive order per LGU”, suno kay Lauron.
[sibwp_form id=1]