Alliance of Hog Raisers Association of Negros Occidental ang naga duda kun bala mabatyagan gid man nila ang alibyo sa natalana nga 60-day imported pork ban.
Sang Lunes lamang gin-announce sang Department of Agriculture nga sumugod November 24 maga patuman sang 60 diyas nga imported pork ban ang pungsod sa tuyo nga matabangan ang mga local producers nga karon naga pamierde dala sang pag sarurot sang bili sang baboy.
Ginsiling ni AHRANO President, Ric Lauron nga naga pabilin sa P105 to P110 ang bili sang kada kilo sang live weight sang baboy nga tuman na ka pierde nga presyohanay.
Paathag ni Lauron, may 60-day man nga imported pork ban, ang ila nga gina lantaw nga basi indi man gyapon nila mabatyagan ang alibyo sa lokal nga presyo bangud nga sa subong pa lang bisan pa tubtob sa tion nga ipatuman ang pork ban may naga kaigo ukon supisyente na nga daan ang supply bisan pa tubtob sa holiday season.
Ang mga nagsulolod nga imported nga supply sang baboy damlag pa ang tuman na nga daan ka bastante, gani ila nga ginlantaw nga indi man basi mag idog ang presyo sa gihapon sang local nga supply.
Gina bantayan nila ang pag abot sang Disyembre ukon ang holidays kun bala sila ang tigayon nga makabawi pa.
“Gina tan-aw naton ang effect bala sa ginasiling nila nga 60-day nga banning, basi ang epekto sina basi sa sunod nga from 2 to 3 months guro. Okay na siyang may ban sila but it might not give ang outright nga effect sa subong nga gina atubang naton nga dalagko nga kapierdehan,” suno kay Lauron.
[sibwp_form id=1]