Patay ang siyam ka empleyado sang local government unit sang Bayawan City matapos mahulog ang ila ginasakyan nga dump truck sa pil-as sa bahin sang Barangay Kalamtukan, Bayawan sa Negros Oriental, pasado las 11 Miyerkules sang aga.
Suno sa report sang pulis, dead on arrival sa Kalumboyan Hospital ang siyam ka mga empleyado, lakip na ang driver. Tanan sila mga lalaki.
Base sa imbestigasyon sang traffic investigator, nagapadulhog sa Sitio Mansintak sa Brgy. Kalamtukan ang ginasakyan sang mga empleyado sang ini ang naglapaw kag nahulog sa pil-as.
Nagbulid-bulid ang salakyan tubtob nakalab-ot sa suba.
Ang dump truck nga ginsakyan sang mga government employees ang may karga nga lima ka container sang krudo.
Wala sang survivors sa nasambit nga vehicular incident suno kay Captain Stephen Polinar ang spokesperson sang Negros Oriental PNP.
“We only have based on initial report. Initial report sir is ang sasakyan nag overshoot siya. As to kung gaano kalalim yung nabagsakan nila, wala pa tayong data dun. Lahat ng nakasakay na siyam, walang survivor. Dala na ang driver. Total wreck ang sasakyan”, suno kay Polinar*
[sibwp_form id=1]