Padayon ang operasyon sang 23 ka clearing teams sa Bacolod City upod ang Negros Power agud mapadasig ang pagkay-o sang kuryente kag internet connection matapos maapektuha sang Bagyo Tino.
Gin-deploy kahapon ang 23 ka clearing teams nga may dala nga 20 ka dump trucks, 6 ka pay loaders, 2 ka boom trucks kag 3 ka backhoe loaders gikan sa syudad kag volunteer partners.
Ini ang nagabulig padasig sang pagkuha sang debris kag paghatag suporta sa Negros Power sa ila ginapatigayon nga restoration.
Pahayag pa ni Atty. Marty Go, Secretary to the Mayor Yara sa 80 porsyento na ang pag clear sa mga debris.
Upod ang mga katapo sang Negros Power, PLDT, Smart kag Globe, ang operasyon nagatutok sa pagkuha sang mga kahoy, vegetation kag iban pa nga nagalambay sa mga linya agud mapadasig ang pagbalik sang kuryente kag komunikasyon.
Nagpasalamat man ang syudad sa mga volunteer kag private partners nga naghatag sang ila serbisyo kag heavy equipment nga wala sing bayad para sa mas madali nga pagbangon sang Bacolod.*