May masobra 3,000 ka mga draybers and operators ang sarang mawad an sang palangabuhian sa tion nga ipatuman na ang PUV modernization program sa Bacolod City.
Pero masobra lang 700 ka mga traditional jeep ang sarang nga matagaan sang interim service permit sang Land Transportation Franchising and Regulatory Board sa Enero.
Ang mga jeep ang italana sang siudad sa mga rota nga kulang ang nagabyahe nga modernized jeep.
Nakasugtan sa pagsinapol nanday Mayor Albee Benitez kag pamunuan sang LTFRB kag Land Transportation Office nga mapalawig ang moratorium sa dakpanay sang traditional jeepney nga expired na ang prangkisa tubtob Marso 2023. Pero suno sa alkalde, dapat na rehistro bilang private vehicle ang daan nga mga jeep para ma isyuhan sila sang interim service permit sang LTFRB.
Sa Marso man ginalauman sang LTFRB nga maka byahe na ang 1099 modern jeepney sa siudad. May 173 pa lang karon ang nagabyahe nga modernized jeep sa Bacolod.
Ginsiling ni Atty. Gaudioso Gedospan Ini samtang ginahikot pa sang siudad kag LTFRB ang mga parameters sa ginadihon nga Transfer Plan, iga hold in abeyance sang LtO enforcement unit ang apprehension bahin sa franchises sang mga nagabyahe nga traditional jeep.
Handa naman nga mag cooperate sa nabalay nga solusyon sang siudad kag LTFRB ang grupo sang modernized jeepney operators kag drivers agud mapasiguro nga indi ma apektuhan ang mga pasahero.