700 ka katapo sang Bacolod City Police office ang ipaidalom sa surveillance testing.
Mga empleyado naman sang isa ka talk firm ang gin paidalom sa surveillance testing matapos may anum ka mga empleyado ang nagpositibo sa COVID-19.
Suno kay Dr Chris Sorongon ang deputy for medical data and analysis sang Emergency Operation Center sang Bacolod City, kahapon gin pasira ang talatapan sang isa ka talk firm sakop sang Barangay Villamonte para sa disinfection. 27 ka empleyado sini ang gin paidalom sa swab test. Gina paabot nga maga gwa ang ila resulta subong nga adlaw.
Samtang, sa duha ka sunod-sunod nga weekend ipaidalom sa swab test ang katapo sang BCPO kasunod sang pag positibo sa syam ka mga pulis. Suno kay Sorongon ini sila ang maga padayon sa ila nga mga duty kag ang mga maga positibo naman sandig sa ila nga resulta ang iga quarantine.
Suno kay Sorongon padayon ang pagsaka sang kaso sang COVID-19 sa Bacolod kag masami ini ang gikan sa mga pagtililipon kasubong sang mga party, events, bulang kag bisan pa sa mga ulubrahan.