Wala sang ngalan sa data base sang Emergency Operations Center ang pastor nga nagtuyo magkuha sang vaccination certificate sa mall sang Huwebes sang aga.
Suno kay Em Ang, executive director sang EOC, sang gin usisa ang vax card sang pastor wala nag-match ang ngalan sang vaccinator tubtob nga napat-ud nga peke ang iya dokumento.
Kaupod sang pastor ang iya misis kag bata nga lunsay magakuha kuntani sang vaccination certificate nga requirement sa ila pag-byahe sa China.
Ginsugid man sang pastor nga nagbayad siya sang siete sientos pesos para sa peke nga vax card.
Tatlo pa ka magkapamilya nga nagkadto man sa help desk sang EOC para magkuha sang vaccination certificate ang nadakpan nga nag-gamit sang peke nga vaccination card.
Gin-ako man nila nga nagbayad sila sang tag-isa ka libo ka pesos para sa vax card suno kay ang.
May ihibalo na ang EOC kun diin halin ang mga peke nga vax card kag kun sin-o ang ginatumod nga barangay nurse nga yara sa likod sang iligal nga hilikuton.
Magapasaka sila sang kaso nga falsification of public document kag pagsupak sang Republic Act 11332 ukon ang mandatory reporting of notifiable diseases and health events of public health concern act
Batuk sa anum nga nadakpan nag-gamit sang peke nga vaccination card kag sa iban pa nga imbolbado.