Magalawig tubtob Marso 31 nga mapaidalom sa alert level 1 ang Bacolod.
Gani anum sa 70 kag pampubliko nga eskwelahan sa Bacolod ang naghinyo sa konseho sang siudad para matagaan sang approval ang pagbalik sang limited face to face classes.
Suno kay Dr. Edwin Miraflor, OIC sang City Health Office, requirement sang LGU nga dapat fully vaccinated ang mga estudyante nga magabalik sa eskwelahan.
Pero bangud limitado pa ang supply sang bakuna ilabi na para sa 5-11 year old, ginakinahanglan nga mapasiguro nga vaccinated ang katapo sang panimalay sang estudyante nga maga balik sa face to face classes.
Sa session sang konseho pagatalakayon ang request sang Romanito Maravilla National High School, Cabug National High School, Luis Hervias National High School, Negros Occidental High School,
Emilia J. Garcia Elementary School kag Handumanan Elementary School.
Antes matapos ang bulan sang Marso ginapaabot naman ang pagbalik sang face to face classes sa Apolinario Mabini Elementary School.