Site icon Digicast Negros

5,620 ang na record nga teenage pregnancy sa Negros Occidental sang 2021

Capitol photo

YouTube player

May masobra sa 5,600 ka teenage pregnancy ang na-record sang Negros Occidental sa tuig 2021.

Ini isa lamang sa mga datus nga gin present sang Provincial Health Office sa International Day of Action for Women’s Health may 144 ka pregnancy nga na report sa mga naga pang edaron 10 tubtob 14 years old.

5,476 naman sa mga 15 to 19 years old.

5,620 ang kabilugan nga teenage pregrancy nga na report sang 2021 ukon 15 percent ini sa 37,663 sa pregnancy nga na record sa tanan nga pang-edaron.

Sa Adolescent Heath and Development Program sang probinsya tinutuyo nga mahatagan sang access ang 10 to 19 years old sa healthcare services sang probinsya.

Dinapit nga bisita si Governor Eugenio Jose Lacson programa nga ginsakdag para sa International Day of Action for Women’s Health kun sa diin iya ginhaylo ang mga kababainhan nga dapat mapangapinan nila ang ila nga ikaayong lawas.

Lakip man diri ang commitment sang probinsya nga ma tib-ong ang kinamatarung sang kababainhan kag madula ang diskriminasyon.

Kadungan man sa programa ang pagpatigayon sang libre nga blood pressure taking kag blood sugar testing, kasubong man uric acid kag hemoglobin testing kag Covid-19 vaccination.

Exit mobile version
Skip to toolbar