Digicast Negros

5 ka PDEA agents gin sentensyahan nga mabilango kag mamultahan

Sa gin papanaog nga resolution sang Negros Oriental Regional Trial Court ginpamatbatan guilty sa indirect contempt ang lima ka mga PDEA agents sa Dumaguete City bangud sang gina siling fake buybust nga ginpatigayon sang Hunyo sang nagligad nga tuig.

Nag issue na ang korte sang warrant of arrest batuk sa mga PDEA agents nga sanday Nelson Muchuelas, May Ann Carmelo, Jose Anthony Juanites, Cheryl Mae Villaver, kag Realyn Pinpin.

June 2020 sang gin dakop sang lima ka PDEA agents ang lima man ka mga persona sa buybust operation sa Dumaguete. Suno sa arresting officer, dungan sila nga gindakop sa isa ka balay.

Pero base sa CCTV footage nakita nga isa isa nga gin pickup sang mga operatiba ang ila lima ka gindakop kag ginpasulod sa ila nga salakyan gani ini ang gintawag nga fake buybust.

Sang Oktubre gin dismiss sang korte ang kaso nga ginpasaka sa lima ka mga gina alegar drug suspects kag sila ang gin release.

Kabahin man sadto sa ginpaidalom sa indirect contempt proceedings ang duha ka witness nga isa ka barangay official kag media man. Pero sila ang gin abswelto sang korte bangud suno sa ila nga sila ang nag abot na lang sang nag inventory na.

Ang PDEA agents ang gin sentensyahan sang anum ka bulan nga pagka preso kag P30,000 nga multa kada isa sa ila.

Exit mobile version
Skip to toolbar