Makapila na ka beses nga na testingan kun bala masarangan sang mga pulis sa Bacolod ang 5 minutes response kag may mga panahon nga indi gid malagas ang oras.
Suno sa kay Bacolod City Police Office Director Police Col. Joeresty Coronica, bisan mga 95% naka responde sa sulod sang lima ka minutos ang mga pulis, indi malikawan nga may panahon nga indi ini mahingagaw.
Una nga rason amo ang kalayo sang mga kaladtuan nga lugar nga naga pangayo sang bulig, traffic kag kulang gid ang patrol cars kag tawo nila.
Dugang pa ni Coronica may mga dalanon sa Bacolod nga indi pa kabisado sang mga pulis gani ginapatun-an pa nila ang tanan nga dalanon.
Istorya pa niya nakapa simulation exercise sila sa sulod sang Barangay Tangub kag ang pulis ang halin sa Araneta Street.
Bisan ano pa ka dali-dali sang pulis suno kay Coronica, wala gid ma beat ang 5 ka minutos nga response time bangud sang lakat sang traffic.
Sa gihapon gina tinghuaan sang BCPO nga mapadasig ang pagresponde sa mga ginatawag sa ila sang mga pumuluyo.