Site icon Digicast Negros

5 ka mga PDL sang Negros Occidental District Jail nakapalagyo

Sa pag isip sang mga persons deprived of liberty ukon PDL nga yara sa Negros Occidental District Jail kaina sang aga, natukiban nga may lima tanan ka mga pdl nga naka palagyo.

Suno sa spokesperson sang Bureau of Jail Management and Penology Region 6 nga si Atty. Jairus Dogelio, gina bulubanta nila nga mga la una y medya tubtob las dos sang kaagahon nag palagyo
Ang lima gikan sa BJMP facility sa Barangay Tabunan sa Bago City.

May nakita nga may selda nga gin lagari pero wala na recover ang lagari. Nagtaklas siya sa pader pinaagi sa pag sugpon sugpon sang mga bayo kag mga habol nga ginhimo lubid para maka taklas sa pader.

“Indi siya kalat or lubid gid, nag ubra sila improvised nga lubid gid nga made of clothing, posible made of mga habol nila or mga bayo nila da or nay clothing material nga gin dugpon sugpon nila. May ara man CCTV kita pero so far suno man sa aton mga personnel ang ina nga area nga ginkwan nila bal-an guro nila nga blind spot na da siya indi ma klaruhan sang CCTV naton,” suno kay Dogelio.

Ginkilala ang mga nagpalagyo nga sanday Francisco Epogon sang Cauayan nga may kaso nga robbery with violation against intimidation of person kag robbery with homicide. Siya ang gina siling katapo sang Epogon robbery group.

Si Daniel Tamon nga may kaso nga murder sang Don Salvador Benedicto. Danilo Celeste sang Victorias City nga may kaso nga carnapping, robbery, illegal posession of firearms kag attempted homicide. Alejandro Montoya sang Victorias City nga may kaso nga carnapping, robbery, illegal possession of firearms, attempted homicide kag acts of lasciviousness. Kag si Marvin Celeste sang Victorias City nga may kaso naman nga illegal possession of firearms.

Dugang pa ni Dogelio, bilang standard operationg procedure gilayon nga gin relieve ang jail warden sang NODJ nga si Jail Supt. Pricel Arevalo kag gin bulos sa iya amo si Jail Chief Insp. Abner Zamora.

Naga padayon ang manhunt operation sang BJMP batuk sa lima ka mga pugante. Sa bahin sang NODJ wala pa sang may nag hatag sang pormal nga pahayag angut sa natabo.

Gina lantaw man sang BJMP ang posibilidad nga katapo sang Epogon robbery group ang lima ka mga nagpalagyo.

Ang amo nga robbery group amo ang sa likod sang serye sang kinawatay kag sakaay sang balay indi lang sa Bacolod kundi sa bug-os nga Negros Cccidental.

Exit mobile version
Skip to toolbar