42-anyos nga amay ginpulihan labo sang magpakaisa tubtob nga napatay. Ginsunog pa sang mga suspek ang balay sang biktima.
Pito tanan ka mga lalaki, lima diri lunsay magpakaisa nga nagsulong sa puluy-an ni Lito Martir sa Barangay Cambarus sa banwa sang Pontevedra sang Sabado sang gab-i.
Isa ang napilasan sang ginlabo sang 42-anyos nga biktima. Ugaling ginpulihan nila labo si Martir tubtob nga napatay.
Sa imbestigasyon sang Pontevedra PNP, nakit-an pa sang anak nga babaye sang biktima nga gintutdan sang mga suspek ang ila balay.
Matapos ang ginpatigayon nga pursuit operation, tatlo sa mga suspek nga magpakaisa ang nadakpan. Nagapabilin naman nga nagapabulong sa ospital ang isa sa ila samtang nagapabilin nga at-large ang duha pa.