Sa mag-utod nga Ronie kag Aljun Gonzales gin-alegar na-recover ang isa ka caliber 45 pistol kag 357 magnum revolver sang katapo sang San Enrique PNP sa Barangay. Tabao Baybay sang Domingo sang aga.
Nag-gwa sa pagpang-usisa sang kapulisan nga nangin makaduluda sa mga nag-reklamo nga residente ang duha kabangdanan nga sang mag-responde kag nangusisa ang kapulisan natigayon nga nakit-an ang mga pusil.
Na-detain karon ang duha nga pasakaan sang kaso angut sa pagsupak sang Comelec Gun Ban.
Samtang, sa mag-amay naman nga Ricardo kag Marvin Pedroso na-recover ang mga pusil, bala kag explosives sang ginserbe sang Victorias City PNP upod sa 65th Special Action Company, 6th Special Action Battalion ang search warrant sa ila balay sa Barangay XI sa siudad sang Victorias sang Sabado.
Kabahin sa mga nakumpiskar ang isa ka caliber 45 pistol, magazine kag mga bala, caliber 22 revolver, caliber 38 revolver kag isa ka improsived shotgun, MK26 hand grenada kag explosive cartridge sang M203.
Magapangatubang sila sang kaso angut sa pagsupak sang Comelec Gun Ban.