Sa Bredco port namutikan sang monitoring team sang Emergency Operations Center ang mga peke nga vaccination cards nga gin-pakita sang apat ka mga pasahero gikan sa Manila sang Martes.
Suno kay Em Ang, executive director sang Emergency Operations Center, ginpaidalom sa swab test ang apat sang ila natukiban ang peke nga mga vax card.
Siling ni City Legal Officer Atty. Joselito Bayatan, wala pa sang may napasakaan sang kaso angut sa pagsupak sang health protocol sang nagligad nga tuig.
Pero subong ang apat ka mga pasahero ang mahimu nila nga pasakaan sang kaso nga falsification of public documents.
Kutob sa mga pasahero nga may vaccination cards ang may mga pribilihiyo ilabi na kun sila ang fully vaccinated.
Indi na nila kinahanlan pa magsubmit sang negative rt pcr test result antes magbyahe pakadto sa Bacolod.
Gani maid-id man ini nga gina-usisa sang katapo sang EOC sa seaport kag bisan sa Bacolod-Silay airport ang mga dokumento sang mga pasahero pata mapangapinan ang publiko batuk sa Covid 19.