Sa kilid sang gasolinahan nag idas ang mga tricycle nga wala na ginbyahe sang mga drayber kag operator nga katapo sang Tricycle Operators and Drivers Association Handumanan.
Suno kay Ricky Duragos, board member sang asosasyon nag untat byahe sila kay indi na nila maagwanta ang ginahimu sang mga colurom nga tricycle kag mga e-trike nga ginapabay an lang magbyahe sa barangay.
Sang Hulyo pa ginpalab ot sang grupo ang ila reklamu sa barangay kag sa pamunuan sang Bacolod Traffic Aithority office.
Kaina gilayon man nga nanakop ang katapo sang BTAO kag Police Station 10 sang mga colorum nga tricycle kag e-trike.
May napulo ang ila na issuehan sang citation ticket.
Bwas natalana man ang pagdayalogo sa tunga sang mga opisyales sang Barangay Handumanan kag katapo sang transport sector bahin sa ginaduso nga pag regulate sang mga nagabyahe nga e-trike sa barangay.
Hinyo lang sang katapo sang TODAH nga may kapin 350 ka mga miyembro nga kuntani magtalana lang sang area ang barangay nga pwede mala byaje ang e-trike sa baylo nga tugutan sila nga magbyahe sa mga main highway nga labi man nga ginadumilian ini base sa mga traffic rules and guidelines sang siudad.