Nagbungguanay ang isa ka traysikol nga ginamaneho ni Sheinmar Tanzo, Roadstar Bus nga ginamaneho ni Jimmy Anayan, kag ang motorsiklo nga ginamaneho naman ni Christopher Barcelo sa Araneta St., Purok Medalla-Milagrosa, Brgy. Sum-ag, Bacolod City, pasado las sais kagab-i.
Padulong sa sur ang direksyon sang tatlo ka mga salakyan.
Sa imbestigasyon sang Police Station 9, nagasunod ang Roadstar bus sa traysikol nga maliko kuntani pawala.
Nabungguan sang bus ang traysikol rason nga nahulog ang driver nga si Tanzo kag pasahero sini nga si Anita Fregil, 78-anyos.
Sang nabungguan sang bus ang traysikol, nagwarik ini patuo kag nalab-ot naman sini ang motorsiklo.
Napilasan man ang misis ni Barcelo nga iya misis.