May tatlo na ka mga reklamo nga napadangat sa talatapan sang Department of the Interior and Local Government angut sa napili nga mga scholars sa idalom sang Bawat Barangay Makikinabang Program.
Ginsiling ni Assistant Regional Director kag concurrent Provincial Director sang DILG – Negros Occidental nga si Teodora Sumgaysay nga may reklamo gikan sa Bago, Cauayan kag Moises Padilla.
Gina alegar nga may mga scholars nga napili ang barangay nga himata man mismo sang barangay official.
Suno kay Sumagaysay may special instruction na sa mga field officers nga tutukan ang reklamo. Gina hulat pa ang feedback nila.
Klaro sa pagsulundan suno kay Sumagaysay nga sa pagpili sang benepisyaryo dapat wala sang conflict of interest, wala man sang nepotism kag wala sang favoritism.
Sa rule of nepotism suno sa iya nalakip diri ang tubtob sa third civil degree of consanguinity ukon affinity. Gani kun imo man bata ang benepisyaryo, automatic suno kay Sumagaysay ngaindi pwede.
Gina haylo nila nga ang yadtong naka panghatag sa benepisyaryo nga ila man himata, nga iuli ang pondo. Sa yadtong wala pa makahatag, likawan na ini.
May reklamo man imbes nga lima ang magabaton nga benepisyaryo sa kada barangay ginhimo nga napulo.
Indi ini pwede suno sa DILG kay sang pag compute sang kantidad na suma na ini nga ini ang nagakaigo sa kinahanglanon sang estudyante nga tuyo buligan.
“So officials, I’m referring to the barangay officials, dapat gina recuse nila ang ila nga self kun ang applicant is a relative or paryente nila. Ano bala mag hambal kita nga nepotism? The rules of nepotism is up to third civil degree of consanguinity or affinity. So automatic, basta bata mo indi pwede because it falls under sa gina tawag naton nga nepotism and besides let us remember if you are a public official you should uphold public interest over and above personal interest”, suno kay Sumagaysay.
Ginsiling naman ni Governor Eugenio Jose Lacson nga dapat sabton sang natungdan nga mga opisyal ang reklamo.
[sibwp_form id=1]