Terra Madre Asia and Pacific 2025 ang natalana sa Nobyembre 19 tubtob 23 diri sa Bacolod City.
Suno sa organizers indi lamang ini higayon nga matib-ong ang mga gina tanyag sang local communities kundi makaganar man.
Ang kahiwatan ang gina kabig pinaka una kag pinaka daku nga pagtililipon nga gina pamunuan sang Slow Food Movement.
Maga bukas ini sa Nobyembre 19 sa Provincial Capitol Lagoon.
May 24 ka mga pungsod ang gina paabot maga pakigbahin.
18 naman ka mga regions sa pungsod ang maga padulong.
Suno kay Reena Gamboa ang Executive Director sang Terra Madre Asia and Pacific 2025 higayon ini nga matib-ong kag makilala kun ano ang yara sa probinsya.
Pahahumdom ini nga dapat ipabugal ang mga local ingredients. Ang mga naga bisita nga turista naga kadto bangud luyag nila matilawan kun ano ang duna sa aton. Suno kay Ramon Uy, Jr., ang Slow Food Councilor para sa Southeast Asia, daku ang papel sang Bacolod nga gina kabig Slow Food Hub of Asia and the Pacific, ang Negros naman bilang Organic Capital of the Philippines.
Good, clean and fair food for all ang ginatib-ong.
Ang kahiwatan ang maga serbe nga platform para sa pag collaborate sang mga mangunguma kag mangingisda, indigenous communities, mga chef kag food artisan, youth kag academics kag mga policymakers kag advocates.*