Sa sulod sang tatlo tubtob apat ka bulan ginalauman ni Mayor Albee Benitez ang master plan para sa tanan nga mga reclamation project sa baybay nga nasakpan sang Bacolod.
Ang siudad ang nagpain na sang P15M nga pondo para sa himuon nga reclamation project master plan.
Lunes sang ginmando sang alkalde ang moratorium para sa tanan nga ongoing application para sa ginaplano nga reclamation projects.
Tuyo sang alkalde nga paagi sa master plan mapatpat ang mga lugar nga pwede sa reclamation project kag kun ano nga development project ang nagakaangay sa amo nga lugar.