Site icon Digicast Negros

2 ka mga private hospitals maga baton sang pasyente sang BACCHP program

YouTube player

Ginpirmahan na ni Mayor Albee Benitez ang memorandum of agreement upod sa pamunuan sang Metro Bacolod Hospital and Medical Center kag South Bacolod General Hospital para sa Bacolod City Comprehensive Health Program.

Suno sa alkalde, mahimo nga wala na sang mangin palaligban ang mga indigent nga pasyente sa tion nga ginakinahanglan nila nga magpabulong sa duha ka mga private hospital.

Sa karon may 10,000 na ang naka rehistro sa BacCHP program sang siudad.

Sandig sa MOA, may guaranteed P15,000 ang tagsa ka BacChP cardholder. Ang pondo maga gikan sa Philhealth kag iban pa nga national government health care assistance grants nga pondo para sa Bacchp. Dugang diri ang Assistance to Individuals in Crisis funds halin sa Department of Social Welfare and Development.

Kaina ginsuguran man ang E-Consulta program sa annex building sang Bacolod City Government center. Kabahin ini sang preventive aspect sang BacChP program kag diri man sarang maka pa rehistro ang pumuluyo para sa programa.

Ginatinguhaan naman karon sang siudad ang pag proseso sang mga BacChp cards sa tuyo nga masuguran ang programa ilabi na ang pagbaton sang mga indigent patients sang duha ka mga partner hospitals sa Oktubre 1.

Exit mobile version
Skip to toolbar