Pilason ang duha ka mga persona nga empleyado sang isa ka kalan-an matapos sila gin pang tiro sang akig nga suspek sa Purok Progreso sa Barangay Sum-Ag sa Bacolod kagab-i.
Ang mga biktima amo sanday Micheal Diopeta kag Jemar Berja.
Suno sa hepe sang Police Station 9 nga si Major Junji Liba, gin pangita sang suspek nga si Rommel Castillo ang tag iya sang kalan-an bangud iya ginapapauli ang iya nga misis sa pamilya sini sa Candoni.
Ang iya misis ang naga trabaho sa kalan-an bangud sa iya himata man ang tag iya kag bangud sa naga away sila sang iya bana nga si Castillo.
Suno sa pulis, sang wala maatubang ang tag iya, iya gin paukpan ang duha ka empleyado bangud sang iya nga kaakig.
Si Diopeta ang may igu sang bala sa abaga samtang sa paa naman ang igu ni Berja.
At large sa karon ang suspek kag padayon ang pag pangita sa iya sang kapulisan.