Nasapwan ang bangkay sang Oman national nga si Ahmed Haj kaina sang aga sa Reclamation Area sa Bacolod City.
Natukiban nga siya ang may igu sang bala sa dughan sang masapwan pasado alas 7 kaina sang aga sang roving guard sa kahilamunan sa Bredco Port.
Suno sa deputy chief sang Police Station 2 nga si Police Lieutenant Andy Ofalia, si Haj ang ulihi nga nakita kagab-i sang iya pamilya kag wala na ini makapauli.
Gina usisa pa nila suno kay Ofalia kun diin nagpadulong ang biktima antes nasapwan nga patay.
Mga las nuebe naman sang aga kaina, isa ka lalaki ang nasapwan patay sa katubuhan sa sulod sang kampo sa Hda Rojas, Barangay Blumentritt sa banwa sang Murcia.
Ang biktima ang ginkilala nga si Archie Aguire nga taga hinigaran. Suno sa PNP, walo ka basiyo sang pusil ang nakita sa crime scene.
Naga coordinate na sa karon ang Murcia PNP kag Police Station 2 sa Bacolod bangud suno sa kay ofalia sang Police Station 2, ila gina lantaw ang posibilidad nga may kaangtanan ang duha ka mga nasapwan nga mga bangkay sini nga aga.
“Kung upod ya pa gid ang taga Murcia te may lead na ta kung ano na ang motibo”
Wala sang pamalay sa lugar kun sa diin nakita ang bangkay ni aguire sa murcia. Ginahibalo pa kun bala didto siya ginpatay ukon ginwigit lang ang iya nga bangkay sa lugar.
Padayon pa ang pag istoryahan sang Bacolod kag Murcia PNP angut sa sini nga mga kaso.