Digicast Negros

19 ka mga konsulta facilities sa Negros Occidental accredited sang PhilHealth

May 19 ka mga Konsulta Facilities sa karon sa Negros Occidental nga accredited sang Philhealth sa idalom sang Universal Health Care Program.

May anum ka iban pa nga nag apply kag naga hulat sang accreditation sang Philhealth. Ini suno kay Renato Limsiaco, Senior Vice President sang Philhealth nga naga haylo man sa mga alkalde nga mag bulig set-up sang mga konsulta facilities bilang sabat man sa mga kinahanglanon sang ikaayong lawas sang tagsa ka pumuluyo. Paathag niya, magluwas sa bulig sa hospitalization, naga panguna nga tinutuyo sang Universal Health Care program ukon UHC amo ang paghatag sang primary care sa mga pumuluyo kun sa diin sarang nga maka pa konsulta ang tagsa-tagsa kag maka avail sang bulong nga kinahanglanon nila nga nagalakip sang maintenance medicine.

“We are setting up this primary care network para sa mga first line of defense nga doon sila mag kadto anay before sila magkadto sa hospital care kun na na ngangailngan sila”, suno kay Limsiaco.

Sa mga maga parehistro sa UHC, ang Philhealth ang sarang nga maka hatag sang 500 pesos nga balor sang assistance para sa nag avail sang serbisyo gikan sa public facilties kag 750 naman sa mga pribado nga facilities. Pero, antes pa man ang lubos nga katumanan sini, ang labing nahauna nga tikang gikan sa mga local government unit amo ang pagpatuman sang Integrated Local Health System.

Suno Dr Beverly Ho sang DOH ang pagpanghangkat yara sa gobyerno probinsyal nga mag pamuno sang amo nga integration.

“The challenge for Negros Occidental, is to lead the way in this integration. It means, we need to sit down all our mayors together and even the city. Let’s all plan and take the steps forward”, suno kay Ho.

Suno kay Governor Eugenio Jose Lacson, malayo pa ang probinsya bahin diri pero may 2023 pa para mapatuman ang tagsa nila ka dapat nga hikuton. Isa man ka bentaha na ang pagpatuman sang One Hospital Command kasubong man Inter-local Health Zone.

“From what I’ve learned today, we still don’t have integration between the province and the LGUs. What’s good lang is we have inter-local health zones. We will be only dealing with six health zones. Based on the presentation, they’re looking at 2024”, suno kay Lacson.

Ginsakdag sang probinsya ang Universal Health Care Summit nga gin tambungan sang mga health officials lakip na mga opisyales sang mga banwa kag siudad.

Exit mobile version
Skip to toolbar