Nagadangat sa 1,800 tubtob 2,000 cubic meters ang kadamuon sang basura nga ginahakot sang ISWIMS sa Bacolod City kada-adlaw sandig sa resulta sang Waste Analysis and Charaterization Study nga ginpatigayon sang SGV.
Ini ang mas mataas kun ikumpara sa kontrata sang ISWIMS sa siudad nga 800 cubic meters ang kinahanglan nga hakuton sang garbage collector kada adlaw.
Kahapon nga adlaw, isa ka public consultation ang ginpatigayon sang siudad kag sang SGV may angut sa resulta sang WACS. Tuyo sini nga mapaathag sa mga stakeholders ang rason kag mga implikasyon sang paghakot sang mga basura.
Ginsiling ni Bacolod City administrator Atty. Mark Steven Mayo nga sandig sa resulta sang WACS, ang households ukon ang mga kabalayan ang may pinakamadamo nga gina generate nga basura kada adlaw.
Lakip man sa mga gingintalakay sa amo nga public consultation amo ang pagpasangkad sang implementasyon sang RA 9003 ukon ang Solid Waste Management Act.
Sa December 31, magatapos na ang kontrata sang ISWIMS sa siudad kag wala pa mahibaluan kun sila sa gihapon ang mangin garbage collector sa masunod nga tuig bangud may procurement process pa nga ginasunod ang siudad.
[sibwp_form id=1]