Site icon Digicast Negros

16 ka vaccinators nag positibo sa Covid-19, 2 ka vaccination site sa mall temporaryo nga gin sara

City PIO photo

YouTube player

2 ka separado nga vaccination center sa mga mall ang temporaryo nga ginsirad-an sang may 16 ka vaccinators nagpositibo sa Covid-19.

Temporaryo anay nga nag-untat ang vaccination program sa cinema area sang SM City Bacolod matapos pito sa ila mga vaccinators ang nagpositibo sa Covid-19.

Sarado man ang vaccination center sa Ayala Mall sang siyam man ka mga vaccinators ang nalatnan sang virus.

Sa Enero 29 magabalik ang vaccination program sa SM kag Enero 30 naman sa Ayala Malls Capitol Central.

Pero ginpahayag naman sang pamunuan sang emergency operations center nga bukas sa gihapon ang pila pa ka mga vaccination site sa mga mall sa Bacolod para ma-accomodate ang mga luyag magpabakuna sang Covid-19 vaccine.

Nagalibot man ang mga vax-i sa mga merkado para mga luyag man magpabakuna kag magpa booster shot.

Nagapadayon man ang vaccination program sa mga kabarangayan kag mga commercial establishment.

Exit mobile version
Skip to toolbar