15 ka mga banwa kag siudad ang nagbatun sang Sinovac vaccine kaina sang aga sa ika duha nga adlaw sang rollout.
Suno kay Atty Rayfrando Diaz ang provincial administrator, 3,900 tanan ka vials ang ginpangdul-ong.
Sang kahapon, sa masobra 1,500 ka vials nga ginpangdul-ong sa pito ka banwa kag siudad, 94 percent sini ang na-utlize ukon nagamit.
Suno kay Diaz, padayon man ang rollout sa Pfizer vaccine sa negros residences kag Teresita Lopez Jalandoni Provincial Hospital. Sa nagligad nga tatlo ka adlaw mga 3500 ang na utlize. Posible lakip sini nga adlaw, mga 4500 tanan ang ma-utlize sa masobra 5000 nga target. Gani mahimo nga ini ang iga extend tubtob sa madason nga semana hasta nga maubos.
Samtang, 1,912 sa karon ang active cases sang negros occidental sa July 1 nga report sang Provincial Incident Management Team. 167 naman ang recoveries kag may tatlo ka gin-report nga napatay.
“Mas dasig, mas responsible sila kay gina monitor ta sila. Sige sige (Sinovac) may schedule na ta gani. As a matter of fact, until tuesday next week,” suno kay Diaz.