Matapos nga magbalik sa sabak sang gobyerno ang 14 ka mga anay katapo sang na dismantle nga Central Negros 1, Komiteng Rehiyon- Negros, Cebu, Bohol, Siquijor, gintipon sila sa isa ka programa sa Brgy. Agan-an, Sibulan, Negros Oriental kahapon.
Pinaagi sa Provincial Department of the Interior and Local Government, 13 ka mga regular NPA members ang nagbaton sang cheke nga tig P15,000 bilang immediate assistance, P50,000.00 para sa livelihood assistance, kag isa ka Milisya ng Bayan member nagbaton naman sang P 15,000.00 para naman sa immediate assistance nga sa kabilugan naglab-ot sa P910,000.
Magluwas sa E-CLIP cash assistance, ang Provincial Veterinary Office sang Negros Oriental ang nag hatag man sang cash assistance nga naga balor sang P5, 000.00 kada isa sa 14 ka mga anay rebelde.
May yara pa gid sang kasapatan, seedlings sang utan kag reading materials. May bugas man kag food packs.
Nagalaum si Governor Manuel “Chaco” Sagarbarria nga mabuligan ang mga anay rebelde nga liwat makasugod sang pangabuhi pinaagi sa nabaton nga bulig gikan sa gobyerno.