Ang Bacolod City Veterinary Office ang nakapamakal na sang anesthesia kag medical supplies nga nagalab-ot sa P1.3M para suguran ang massive spay and neuter operation sa siudad.
Ginsiling ni Assistant City Veterinarian Dr. Jec Cabuguason tuyo sang siudad nga suguran ang massive nga pag pangapon sang ido kag kuring sa mall.
Madasun nila nga patigayunon ini sa mga barangay para malab-ot ang kapin 1,000 ka mga hinuptanan nga ido kag kuring sa sini nga tuig.
Ang pagkapon sang mga hinuptanan nangin kabahin sang tikang sang LGU upod sa mga animal rights group agud mapahagan-hagan ang kadamuon sang layaw nga ido kag kuring.
Samtang, naglab-ot na sa masobra 20,000 ang nabakunahan nga mga ido kag kuring paagi sa massive anti-rabies vaccination sa siudad.
Nagpamakal na sang dugang nga bakuna ang City Vet para malab-ot ang iban pa nga mga hinuptanan sa iban nga barangay.
Ginakalipay ni Cabuguason ang paghatag suporta sang mga pet owners nga nagpabakuna sang ila ido kag kuring.