Kadungan sa paghanduraw sang adlaw sang mga mamumugon, isa Ka job fair ang ginpatigayon sang Department of Labor and Employment kaupod ang Bacolod City LGU sa SM City Bacolod.
Masobra 2,000 ka mga job seekers ang nag pakigbahin sa job fair.
Ginsiling ni Jovelyn Canoy, pamuno sang Bacolod City Public Employment Service Office nga may masobra sa 11,000 ka mga job vacancies ang sarang ma applyan sang mga gusto makakita sang trabaho.
Nagpakigbahin man sa sini nga job fair ang mga overseas companies kon sa diin may walo sila nga vacancies nga ginapa-applyan.
Ginapaabot sang PESO nga makadangat sa 5,000 ka mga jobseekers ang nagapakigbahin sa sini nga tuig nga job fair.
Dugang ni Canoy, ini ang isa sa mga nakita nga solusyon sang siudad agud masolbar ang problema sa unemployment sa Bacolod City.
Tuigan na nga ginpatigayon sa siudad ang amo sini kadako nga job fair, apang sa sini nga tuig, tuyo sang PESO nga mas madamo pa gid nga mga fresh graduate ang ma hire sang mga kompaniya.*
[sibwp_form id=1]