COMELEC – Bacolod City sa karon ang may napulo ka mga gin disapprove nga mga voter applicants.
Ini suno kay COMELEC – Bacolod Elections Officer, Kathrina Trinio-Cana nga nagpaathag nga ini sila ang nakit-an nga naka rehistro man sa iban nga mga siudad kag banwa.
Padayon pa sa karon ang Election Registration Board Hearing sa Bacolod bangud gina hulat pa ang verfication gikan sa Manila sang mga nag apply para sa Voter’s Registration sa March 11 to 16.
Sa tion nga mag-abot ini, amo pa ang pag pat-od sang mga maga dugang nga botante sa Bacolod.
Sa ERB hearing gina patuman ang pag approve sa mga nag apply para sa Voter’s Registration, ang pag kakas sang deactivated voters, kasubong man ang pagkakas sang mga nagtaliwan kag ang mga nag-transfer suno kay Atty Trinio-Cana.
Ang Bacolod may yara sang masobra sa 24,000 ka botante nga iga-delist bangud wala maka boto sa duha ka sunod-sunod nga election. Sang nagligad nga piniliay, may yara sang 340,098 ka registered voters ang Bacolod.