68 anyos nga babaye nga nalatnan sang Covid-19 Delta variant ang nag-negatibo na sa virus. Negatibo man ang resulta sang RT-PCR test sang napulo pa niya ka mga close contacts.
Ginkakas ang lockdown sa puluy-an sang 68 anyos nga babaye sa Barangay Handumanan nga ika-22 na nga kaso sang Covid-19 Delta variant sa Bacolod.
Negatibo ang resulta sang liwat nga RT-PCR test nga ginpatigayon sa iya amo man sa napulo ka katapo sang ila panimalay, suno kay Dr. Edwin Miraflor, officer in charge sang Bacolod City Health Office.
Samtang nag gwa man sa record sang Emergency Operation Center nga mayorya sang mga napatay kag naospital bangud sang Covid-19 sa siudad ang wala pa makapabakuna.
May 73 na ang Covid-19 related deaths Bacolod humalin setyembre uno tubtob dise nuebe.
Sisentay dos diri ang unvaccinated sandig sa record sang EOC.
Nagapadayon karon ang masupog nga vaccination program sang EOC upod man sa pila ka mga pribado nga sector sa mga mall kag kabarangayan sa tuyo nga matagaan sang proteksyon ang mga pumuluyo batuk sa makamamatay nga Covid-19.