Tatlo ka sunod-sunod nga adlaw nga nag record sang zero hog deaths ang Negros Occidental.
Ini suno kay OIC-Provincial Veterinarian Dr Placeda Lemana nga nagsiling nga humalin sang Biyernes tubtob kahapon nga adlaw, Domingo, zero ukon wala sang may na record nga hog deaths sa mga banwa kag siudad sa Negros Occidental.
May 20 tanan ka banwa kag siudad sang Negros Occidental ang nag report sang swine deaths humalin sang nag-igo ang masakit sa mga baboy.
Ang banwa sang San Enrique ang nag record sang pinaka mataas nga swine deaths – 2,671, naga sunod naman ang Bago city nga may – 2,433 kag Valladolid – 2,390 sa datus sang Provincial Veterinary Office.
Humalin sa triple digit nga recorded swine deaths nanaog ini sa two padulong sa single digit kag karon, tatlo na ka adlaw nga zero swine deaths.
Suno kay Provincial Administrator Rayfrando Diaz nagapakita ini nga nakapatuman sang nagakaigo nga tikang ang probinsya sa pagtapna sini.
Padayon nga wala naga tugot ang probinsya sa pag pasulod sang baboy kag iban nga pork products gikan sa iban nga probinsya.