Antes ang State of the Nation Address sang presidente target sang siudad sang Bacolod nga matigayon ang inagurasyon sang Yuhum Village sa Vista Alegre sa Bacolod.
Suno kay Mayor Albee Benitez, naga padayon pa sa karon ang construction sang housing project kag mas impressive suno sa iya kun mas madamo na ang natapos sa amo nga proyekto kag patigayunon ang inagurasyon. Dugang pa niya, mas maayo kun mga apat tubtob lima ka building ang mahuman kag kumpleto na kag natigayon ang pag award na sa mga beneficiaries. Suno sa alkalde ginpaiway anay ang pagbisita ni Presidente Ferdinand Marcos, Jr., sa proyekto kag hulaton ang pagkumpleto sang mayoriya sang housing units.
Mga 296 ka housing units sa apat ka mga building sa Yuhum Village sa Brgy Vista Alegre ang ginatukod sa karon.