Gin-report na sang Commission on Elections sa Philhealth ang natabo nga pag gamit sang peke nga ID sang Philhealth sang mga nag apply para mag pa rehistro.
Suno kay Provincial Elections Supervisor, Ian Lee Ananoria ang Philhealth man mismo ang naga certify nga peke ang ID kag yara na sa Philhealth ang pag file sang kaso, pending sang imbestigasyon.
Suno kay Ananoria, natabo man sa Bacolod ang amo nga insidente, posible man nga may kasubong man nga kaso sa iban nga banwa kag siudad.
May 15 ka mga voter applicants nga gindisqualify sang Bacolod Comelec bangud sang pag gamit sang peke nga Philhealth ID.
Suno kay Bacolod Elections Officer, Kathrina Trinio-Cana, mayoriya sa nag gamit sang peke nga ID gikan sa Barangay 29 sa Bacolod.