Sa karon wala pa ang Commission on Elections sang may nakita nga sarang maka apekto sa sitwasyon sang piniliay sa Mayo sa siudad sang Kabankalan kasunod sang encounter nga natabo sang Domingo.
Ini suno kay COMELEC Negros Island Region, Director, Atty Lionel Marco Castillano nga nag siling as of press time ginahulat niya ang opisyal nga report sang militar pero sa report ni Provincial COMELEC Supervisor Ian Lee Ananoria, wala sang voting center nga na apektuhan sa natabo nga encounter.
Gani suno kay Castillano wala sila sang may nakita nga problema sa karon.
“I have a report from Atty Ian Lee Ananoria, ang concern lang namon for now, will the voting center be affected, wala namang voting center na affected. So wala kami problema for now because of that. Maybe later sa RJSCC we could discuss it with the Philippine National Police”, suno kay Castillano.
Sang Domingo pito ka mga gina patihan katapo sang rebeldeng New People’s Army ang napatay sa engkwentro.
Ginsiling ni 302nd Brigade Commander, B/General Joey Escanilla nga wala sila sang impormasyon nga magapatuman ang rebeldeng NPA sang permit to campaign sa lugar pero indi man madula sang militar ang amo nga posibilidad.
Samtang, ginsiling naman ni Governor Eugenio Jose Lacson nga bukas sa gihapon ang panawagan sa mga rebelde nga magbalik na sa sabak sang gobyerno.