Bisan diin ka nga baligyaan maglibot sa Burgos Public Market, wala ka sang may makita nga naga baligya sang puti nga bombay.
Daw mga binulan naman kuno nga wala sang supply. Kun may ara gid man, tuman naman ka mahal. Naga lab-ot sa 700 kada kilo.
Gani pula nga bombay lang anay ang gina bakala sang mga bumalakal.
Pero ind lang bombay ang nag mahal, pati carrots nagsaka man ang bili. Halin sa 120 pesos kada kilo, subong 160 na. Ini bisan pa nga ang carrots ang diri man lang naghalin sa Canlaon City sa Negros Oriental.
Amo sini kuno ang nagakatabo suno sa sa negosyante nga si Archie Chan kun may taga iban nga probinsya nga diri pa naga pangompra sa Negros.
Bad news sa mahilig magkaon sang KBL, pati ang dried kadyos nga tag 10 ka pesos lang ang putos, subong tag 30 pesos na.
Ang asin nga 350 pesos lang ang sako karon tag 420 pesos na.
Pero kun may nag mahal, may nag barato naman.
Ang lipid sang mantika nga sadto anay tag 37 pesos, subong 30 pesos na lang.