Magalawig pa ang moratorium sa dinakpanay sang mga traditional jeepney nga nag expire na ang prangkisa kag provisional authority sa Bacolod.
Pero suno kay Mayor Albee Benitez nakasugtan sa iya pagsapol upod sa LTO kag LTFRB nga dapat ipa rehistro sang mga traditional jeepney operator kag driver ang ila mga salakyan bilang private vehicle agudto matagaan sila sang interim service permit para makapadayon sila sa pagbyahe.
Plano sang siudad nga italana ang tradition jeepney sa mga rota nga ginakulang sang modernized jeepney nga nagabyahe agud maserbisyuhan ang mga pasahero.
Sa record sang LTFRB regional office nagalab ot sa masobra 2,400 ang mga traditional jeepney nga nag expire na ang prangkisa.
Suno kay Atty. Salvador Altura, spokesperson sang LTFRB Regional Office, may 173 pa lang sa 1099 ka mga modernized jeep ang nagabyahe sa 24 ka mga rota sa Bacolod.
Gani kinahanglan man nga ma augment ang mga traditional jeepney antes pa man malab ot ang 1099 units sang modernized jeep sa Marso 2023.