Nagapabilin nga estable ang presyo sang baboy sa mga merkado sa probinsya.
Gina abi abi naman sang Provincial Veterinary Office ang pagpaidalom sa pungsod sa state of calamity bangud sang African swine fever.
Sa weekly monitoring sang Provincial Veterinary Office sa mga merkado, 57 sentimos ang average nga ginsaka sa kada kilo sang baboy sa mga merkado kun ipa anggid sa nagligad nga semana.
231.38 ang average nga presyo sang kilo sang baboy sa mga merkado sang probinsya.
Suno kay Dr Renante Decena wala sang problema sa supply sang baboy sa Negros Occidental
Kag tayuyon man ang pagpadala sang probinsya sang buhi nga baboy sa Luzon.
Ang pagpaidalom sa state of calamity sang bug-os nga pungsod bangud sang ASF suno kay Decena ang maga harmonize sang maga lokal kag national nga polisa may kaangtanan sa ASF.
Epekto man sang deklarasyon ang pagtugot sa pag gamit sang quick response fund para ma solusyonan ang pagpanghangkat nga dala sang ASF.
Ang deklarasyon ang maga bulig man sa pag pa estable sang supply kag presyo sang baboy sa pungsod.