Digicast Negros

Wala na prosesyon pero padayon ang iban nga hilikuton sa Semana Santa

Wala na sang patigayunon nga procession para sa semana santa, pero magapadayon ang iban nga hilikuton.

Ini suno kay Father Henry Donasco, ang director of Diocesan Commission on Liturgy sang Bacolod Diocese.

Sa Domingo de Ramos, imbes nga sa masami sa public plaza ginapatigayon ang pag bendisyon sang mga lukay, sa sulod na ini sang simbahan. ang iban nga hilikuton nga sadto sa sagwa sang simbahan ginapatigayon karon sa sulod na sang mga kasimbahanan.

Suno kay Donasco, sa tunga sang pagpanghangkat sang covid 19, ginapasiguro sang simbahan nga masunod ang minimum health protocol nga naga lakip man sa pag limit sang mga makasulod sa simbahan.

Madugay naman suno sa iya nga gina patuman nga 50 percent lamang sa kapasidad ang sarang nga makasulod. Naghinyo man sila sang assistance sang pulis kag bureau of fire protection para masiguro pa gid ang pagpatuman sini.

Sa Domingo de Paskwa naman, dungan nga patigayunon ang Jubilee Mass sa pag saulog sang 500 years of Christianity.

Pagabuksan man ang Jubilee door sa mga Jubilee Churches ka sa Bacolod ini amo ang San Sebastian Cathedral.

Exit mobile version
Skip to toolbar