Wala sang patigayunon nga voter’s registration sa mga holidays sini nga Disyembre.
Suno kay Atty Lionel Marco Castillano ang Regional Director sangy Commission on Elections NIR, sa masami may trabaho sila bisan holidays, pero karon, wala sila sang trabaho sa December 24, 25, 30 kag 31. Holiday man ang Enero 1.
Naga abiso siya sa publiko nga mas maayo nga mag follow sa mga official pages sang COMELEC sa ila nga tagsa ka lugar.
Ini para magiyahan sila sang schedule bisan pa sang mga offsite venues.
Sa pagsugod sang Christmas break nagalaum si Castillano nga ini ang mangin higayon sa mga estudyante nga mag pa rehistro.
November 2, 2026 ang Barangay kag Sangguniang Kabataan Elections.
Kun sila ang mangin 15 anyos na sa amo nga tion, sarang na sila maka pa rehistro sa SK.
Target sang COMELEC nga 5 percent nga mas mataas ang maka pa rehistro karon kun ipaanggid sa nagligad nga voter’s registration.
Sa December 1 to 6 nga output sang COMELEC, may 7,660 ang nag pa rehistro, 5,147 diri ang gikan sa Negros Occidental.
“Kindly follow the COMELEC FB pages ng inyong lugar. Andun yung mga schedule sa registration. Simula kasi sa 22, sa 19 last day na ng classes yan, pwede kayo pumunta ng opisina namin. Open kami ng Sabado”, suno kay Castillano.*