Humalin sang October 20 tubtob sa nagligad lamang nga semana may masobra sa 33,000 ang tigayon na nag pa rehistro sa Commission on Elections Negros Island Region.
Sa datus sang COMELEC NIR, sa sulod sang anum ka semana, may 22,913 ka mga application for voter registration ang gin-process sa Negros Occidental, 10,270 naman sa Negros Oriental kag 572 sa Siquijor.
Gin patuman man ang register anywhere sa Bacolod City, Dumaguete City kag banwa sang Siquijor. 69 ang nag apply paagi sa register anywhere sa Bacolod kag 14 sa Dumagute City.
Suno kay Atty Lionel Marco Castillano ang Regional Director sang COMELEC NIR, manubo pa sa karon ang voter registration turn-out.
Ang sunod-sunod nga bagyo naka apekto sang voter registration. Gina lauman man ni Castillano nga tigayon makabawi sa tion nga may break naman sa klase.
Padayon ang ila nga kampanya labi na sa weekend.
“Sa tingin ko baka this December, pag wala ng mga class saka kami babawi diyan. Sa ngayon, pinupuntahan nga namin yung mga schools at barangay. Yung schools inuuna kasi bumalik na ang Senior High. Napapansin namin lalong-lalo na pag Saturdays mahina talaga. Kaya yung Saturdays pumupunta kami ng barangay”, suno kay Castillano.*