Digicast Negros

VM Familiaran: Wala sang lockdown sa Bacolod

Ginpahayag ni Bacolod Vice Mayor El Cid Familiaran nga indi matuod ang nagalapata nga impormasyon sa social media nga ipaidalum sa lockdown ang siudad sini nga bulan sang paskwa.

Suno sa bise alkalde, wala sang rason nga ipaidalom sa lockdown ang Bacolod bangud padayon ang pagnubo sang mga bag-o nga kaso sini sang COVID-19.

Humalin sang nagligad nga semana, wala nagalapaw sa 15 ang bag-o nga kaso sa siudad base sa record sang Department of Health Regional Office.

Ginpahayag ni Familiaran nga dapat likawan ang pagpalapta sa social media sangmga fake news bangud nagatuga ini sang kakulba sa pumuluyo.

Nagapahanumdum man si Familiaran sa publiko nga magsuksuk gid sang face mask kag face shield kun magwa sa panimalay kag magsunod sa social distancing.

Kahapon nagpagwa man sang mando ang Malacanang nga dapat indi lang face mask kundi mandatory naman pati ang pagsuksuk sang face shield kun magwa sa panimalay.

Exit mobile version
Skip to toolbar