Digicast Negros

VM Familiaran: Senior citizens nga mabakal sang essential goods dapat pasugtan magsulod sa malls

Bacolod Vice Mayor El Cid Familiaran ang nagapahanumdum sa mga malls kag mga establisimiento komersyal nga pahanugutan nga makasulod ang mga senior citizens kun magbakal sila sang essential goods kag services.

Ginpahayag ni Familiaran nga may mga reklamo nga nabaton ang iya opisina nga may mga senior citizens nga wala ginapasulod sa mall sandig sa pagsulundan sang executive order ni Mayor Evelio Leonardia nga ginahaylo ang mga naga edad 14 anyos panubo kag 66 anyos pasaka nga magpabilin sa sulod sang balay kun wala man lang sang importante nga kadtuan.

Pero nakabutang man sa EO nga mahimo makagwa sa ila balay ang ini nga mga persona kun magbakal sila sang mga kinahanglanon sa panimalay ukon importante nga mga serbisyo kasubong sa pagkadto sa doktor kag iban pa.

Exempted man ang mga senior citizens nga kinahanglan magwa sa ila nga balay para magtrabaho.

Suno sa bise alkalde, dapat ang tagdumalahan sang mga establisimeinto komersyal ang nakahibalo maglantaw kun kinahanglan nga pasudlon ang mga senior citizens ukon minors depende sa ila tinutuyo.

Exit mobile version
Skip to toolbar