Bacolod Vice Mayor El Cid Familiaran ginpasalamatan sang Sangguniang Panlungsod sa ulihi nga session amo man ang mga konsehal nga natapos na ang termino sini antes sang last nga State of the City Address ni Mayor Albee Benitez.
Sa last session sang Sangguniang Panlungsod sang Bacolod sini nga hapon, ginkilala kag ginpasalamatan ang pagserbisyo sang mga opisyales nga natapos na ang termino.
Si Vice Mayor Familiaran ang ginpasalamatan sa iya pagpangalagad sa sulod sang tatlo ka sunod-sunod nga termino humalin sang 2016.
Siya lang ang naga isahanon nga bise alkalde nga naka tapos sang tatlo ka sunod-sunod nga termino.
21 ka tuig man siya nga nagpangalagad sa barangay.
Sanday councilors Renecito Novero, Simple Distrito, Cindy Rojas kag Vladimir Gonzalez ang ginkilala man kag ginpasidunggan sa ila last session sa pagtakop sang ila nga mga termino.
Ginpatigayon man ang pag turn-over ni Familiaran sang gavel sa kay incoming Vice Mayor Claudio Kalaw Punetevella.
Pagkatapos sang session nagsugod naman si Bacolod City Mayor Albee Benitez sa paghatag sang iya pinaka ulihi nga State of the City Address sa pagtakop sang iya isa ka termino kag magasugod naman sa iya nga termino bilang kongresista sang lone district sang Bacolod.