Kabahin sang 1.3 hectare property sang siudad ang Vendors’ Plaza nga luyag i-develop sang SM Group upod sa Manokan Country. Suno kay Atty. Romeo Carlos Ting, Jr., ang Private PublicPartnership Project kabahin sa mga unsolicited proposal nga ginbaton sang Public-Private Partnership for the People Selection Committee ukon P4-SC sang siudad sang Bacolod.
Pinaagi sa lease contract tuyo sang proponent nga mapasanyug pa ang Manokan area nga magaserbe dugang nga landmark sang siudad.
Magluwas sa Manokan Country, nalakip man sa mga proposal ang pagtukod sang housing project kag reclamation project sa siudad. Nagapabilin nga bukas ang P4-SC sa iban pa nga proponent para sa amo nga mga proyekto.